Միացեք մեր կրթական միջոցառումներին, որոնց նպատակը ամենատարբեր տարիքի մարդկանց համար համալիր կրթական մոդուլներով ուսման հնարավորություններ ընձեռելն է: Մենք համոզված ենք, որ կրթությունը ողջ կյանքի գործընթաց է: Ահա թե ինչու ենք մեր առջև նպատակ դրել համայնքում խթանել սովորելու և արարելու մշակույթը: 

Մեր կրթական մոդուլներն ընդգրկում են գիտության և տեխնիկայի, արվեստի ու երաժշտության թեմաների ամենալայն շրջանակները: Ամբողջ տարվա ընթացքում հասանելի սեմինարները և աշխատարանները նախատեսված են բոլորի համար՝ անկախ տարիքից: Մեր կրթական մոդուլներով անցկացվող ուսուցումն ինտերակտիվ է և ընդգրկող, ինչը մասնակիցներին թույլ է տալիս սովորել և բացահայտել շրջապատող աշխարհը: Մենք ձգտում ենք կատարելության և ողջունում ենք ստեղծարարությունը, և այգում անցկացվող կրթական ծրագրերում հանդես գալու համար հրավիրում ենք միջազգային փորձագետների, որոնք իրենց ունեցած արժեքավոր գիտելիքն ու փորձը փոխանցում են մեր մասնակիցներին: Փորձագետները գիտության, արվեստի, տեխնոլոգիաների բնագավառներից են և մեր կրթական ծրագրերի մասնակիցներին առաջարկում են գիտելիքները խորացնելու ու աշխարհայացքն ընդլայնելու հրաշալի հնարավորություններ: 

Ի հավելումն մեր կրթական ծրագրերին, մենք նաև առաջարկում ենք երեխաների և մեծահասակների համար նախատեսված հատուկ ակումբների անդամակցություն և միջոցառումների մասնակցություն: Այս միջոցառումները տեղի են ունենում այգու տարբեր օբյեկտերում՝ ներառյալ Այգեգործության դպրոցն ու Համաշխատանքային տարածքը: Այգեգործության դպրոցում մասնակիցները ծանոթանում են կայուն այգեգործության մեթոդներին, մինչ դեռ համաշխատանքային գոտին առաջարկում է ձեռներեցների և տարբեր մասնագետների համար հարմարավետ աշխատանքային միջավայր: Մենք վստահ ենք, որ կրթությունն առանցքային է անձնային և մասնագիտական աճի համար: Ահա թե ինչու ենք մեր համայնքին առաջարկում կյանքի ցանկացած փուլում սովորելու հնարավորություններ: 

Հրավիրում ենք միանալ մեզ և բացահայտել մեր կողմից առաջարկվող կրթության ամենաբազմազան հնարավորությունները: Մեր ծրագրերը կարող են հետաքրքիր լինել բոլորին՝ անկախ նրանից ուսանող եք, ոլորտի մասնագետ, թե պարզապես տվյալ ոլորտով հետաքրքրվող:

Բարի գալուստ Հայաստանի՝ մեծությամբ երկրորդ քաղաք՝ Գյումրի: Այս գեղեցիկ քաղաքը հայտնի է իր հարուստ պատմությամբ, 19-րդ դարին բնորոշ գեղեցիկ ճարտարապետությամբ, ինչպես նաև ուրույն արվեստներով ու արհեստներով: Գյումրին նաև հայտնի է մի շարք նշանակալի թանգարաններով, որոնք այցելելը պարտադիր է, եթե հետաքրքրվում եք Հայաստանի պատմությամբ և մշակույթով: 

Գյումրիի մշակութային ժառանգության ներկայացմանն ու պահպանմանն ուղղված ջանքերի շրջանակում ուրախ ենք ներկայացնել մեր վերջին նախագծերից մեկը՝ մեր նորովի ներկայացվող այգին, որում իր արտահայտումն է գտել քաղաքի ուրույն դիմագիծը: Այգու նախագծման ընթացքում օգտագործվել են քաղաքի հարուստ պատմությունն ու մշակութային ավանդույթներն արտացոլող բազմաթիվ տարրեր: Այգու առանձնահատկություններից է բազմաֆունկցիոնալ սրահը, որը նախատեսվում է օգտագործել որպես քաղաքի մշակութային նոր կենտրոն: Սրահում տեղացի արվեստագետները և վարպետները հնարավորություն կունենան լայն հասարակությանը ներկայացնել իրենց աշխատանքներն ու անցկացնել ցուցահանդեսներ: Այս սրահում նաև նախատեսվում է անցկացնել Գյումրիի մշակութային համայնապատկերը ներկայացնող միջոցառումներ, աշխատարաններ և հյուրընկալել մշակութային իրադարձություններ: Բացի սրահից, այգում տեղացիներին և Գյումրի այցելողներին նաև հասանելի են այլ հարմարավետ տարածքներ: 

Մենք ստեղծել ենք ընտանիքների համար գրավիչ տարածք՝ ցանկացած տարիքի երեխաների համար նախատեսված և անհրաժեշտ սարքերով կահավորված խաղահրապարակ: Մենք նաև հարմարություններ ունենք սահմանափակ կարողություններով մարդկանց համար, որպեսզի այգին հասանելի լինի բոլորին: Այցելեք մեր նոր այգին և վայելեք Գյումրիի մշակութային հարստությունը: Քաղաքի բացառիկ ճարտարապետությունն ու ջերմ մթնոլորտը դեռ երկար կապրեն ձեր սրտում ու հիշողություններում: